EMBASSY OF THE  

DOHA-QATAR

FEDERAL DEMOCRATIC REPUBLIC OF ETHIOPIA

 News

  • ethiopiaemabsssy

በቀጠር ለሚገኙ ኢትዮጵያዊያን የኮሚኒቲ ትምህርት ቤት ለማቋቋም ህንፃና ፈቃድ ተሰጠ

በቀጠር አሚር ሼክ ተሚም ቢን ሃማድ አልታኒ መልካም ፈቃድ በዶሃ ለሚገኙ ኢትዮጵያዊያን መማሪያ የሚሆን የኮሚኒቲ ትምህርት ቤት እንዲከፈት የቀጠር መንግስት ቃል መግባቱ የሚታወስ ነው። በመሆኑም ኤምባሲያችንና በቀጠር የኢትዮጵያ ኮሚኒቲ ማህበር ከቀጠር ትምህርትና ከፍተኛ ትምህርት ሚኒስቴር ጋር በመተባበር መንግስት የገባውን ቃል ተግባራዊ ለማድረግ የክትትል ስራዎችን ሲሰሩ ቆይተዋል። በዚህ መሰረት Al Shahaniya ተብሎ በሚጠራው አካባቢ የሚገኝ ሕንጻን ለትምህርት ቤቱ ግልጋሎት እንዲውል የቀጠር ትምህርትና ከፍተኛ ትምህርት ሚኒስቴር ባቀረበው ሃሳብ መሰረት፣ የኤምባሲያችንና የኢትዮጵያ ኮሚኒቲ ማህበር አመራሮች ሕንጻውን በአካል ተገኝተው ጎብኝተዋል። በጉብኝቱ ወቅት ሕንጻው እድሳት እንደሚያስፈልገው ታምኖበት የቀጠር መንግስት ወጪውን እንዲሸፍን ጥያቄ ቀርቦ ነበር። በመሆኑም በቀጠር የኢ.ፌ.ዲ.ሪ ባለሙሉ ስልጣንና ልዩ መልዕክተኛ ክቡር አምባሳደር መታሰቢያ ታደሰ ኖቬምበር 28/2018 ከቀጠር ትምህርትና ከፍተኛ ትምህርት ሚኒስቴር ከፍተኛ የሥራ ኃላፊዎች ጋር ተገናኝተው ውይይት ባደረጉበት ወቅት የቀጠር መንግስት የተጠቀሰው ሕንጻ በቀጠር ለሚገኙ ኢትዮጵያዊያን የኮሚኒቲ ትምህርት ቤት ሆኖ እንዲያገለግል መፍቀዱን እና የእድሳት ስራውም በቀጠር መንግስት የሚሸፈን ሆኖ በአጭር ጊዜ ውስጥ እንደሚጀመር በማሳወቅ፤ ይህንኑ ፈቃድ የሚገልጽ የፅሁፍ ማረጋገጫ ደብዳቤ ለኤምባሲው ተሰጥቷል። የትምህርት ቤቱ መከፈት በቀጠር እና በኢትዮጵያ መካከል ያለው ጠንካራ የዲፕሎማሲ ግንኙነት አንዱ ማሳያ እንደመሆኑ፣ የመማር ማስተማር ሥራው ውጤታማ በሆነ መልኩ እንዲቀጥል በርካታ ቀሪ ሥራዎች ያሉ በመሆኑ፣ ማህበረሰቡ፣ የኮሚኒቲው አመራርና ኤምባሲው ሁሉም የበኩሉን ድርሻ ሊወጣ ይገባል፡፡

88 views1 comment

 News